Churz nach der finnische Gränze ligt Kilpisjärvi. Hie simer vo rund -20° und viu Schnee empfange worde. Aus erschts heimer üses Hüttli bezoge – sehr härzig, mit Cheminée und ere eigete Sauna 🥰 U när simer i Lade, wüumer Hunger hei gha. Dä isch scho fasch eher es iichoufszäntrum – s git gloub öppe aues… Nordliechter u gfroorni Wimpere weiterlesen
Bärge, Meer u Ussicht 🌄
Nach üsem Sightseeing-Tag am Sunnti heimer am Mänti chli Ussicht wöue: Auso simer Schneechetteli für ad Schueh go choufe und ufe Storsteinen gloffe. Dä isch ou am Festland, dört womer scho am Tag vorhär häregloffe si. Für ufe chönnt mä ä Gondle näh – wüu üse MagicPass hie nid güutig isch (und mer hei wöue… Bärge, Meer u Ussicht 🌄 weiterlesen
Tromsø 🇳🇴❄️
Mir si wider ungerwägs! Uf di Reis hani mi sit paar Wuche sehr gfröit – i ha scho lang mau im Winter i Norde wöue. U schliesslech hani mi ja no säuber für mini Bachelorarbeit müesse belohne, woni afangs Januar abgäh ha.😋 Geschter morge simer los. Zersch mitem zug uf Gänf. Am Flughafe het aues… Tromsø 🇳🇴❄️ weiterlesen
geits no so heiss!
Viu z verzeue hani leider nüm – mir si sit geschter Aabe wider dehei. Z Glasgow hani nomau vegi Fish & Chips gässe, wasmi sehr gfröit het. Am Friti simer de uf London gfreeset u hei dört imne schöne Hotel übernachtet. Mir si nomau chli uf Soho i Usgang und hei vorhär richtig feini Pizza… geits no so heiss! weiterlesen
Vo Sturm zu Sturm (& wider ad Küschte)
Floris het auso scho einigi Schäde hingerlah – hei sogar Föteli vo kippete Camper gseh 🫣 Und viu blockierti Strasse. Vo däm här simer ächt froh gsi, heimers no uf Fort William gschafft u dört dinne chönne usharre. Wobi ou dört ä Teil vor Stadt isch gsperrt gsi wägem Sturm. Mir wüsse nid gnau würum,… Vo Sturm zu Sturm (& wider ad Küschte) weiterlesen
Canna & Sturm!
Vo Mallaig us simer miter Fähre öppe 3 Stund bis uf Canna gfahre. Das isch di chlinschti vode „Small Islands“, wohne düe dört nume 18 Lüt. Es het gloub insgesamt zwöi oder drü Guesthouses. S si auso nid soo viu Lüt dört. Mir hei üses Zäut „ufem Campingplatz“ ufgsteut – es het WC, ä Duschi… Canna & Sturm! weiterlesen
Vom (nidmau) Niederhorn bis ad Küschte
u zägg simer ar Westküste!😍 Aber fömer dört ah, womer ufghört hei. z Fort William simer ar Küschte entlang gloffe. Mir si zwar nonid ganz am offne Meer gsi, s het aber ou Gezite gha – so heimer sogar ä Spaziergang ufem Meeresbode chönne mache, wüu grad Ebbe isch gsi. Speter simer richtig gueti Pizza… Vom (nidmau) Niederhorn bis ad Küschte weiterlesen
ab id Bärge
So, wi aakündiget heimer üs es erschts mau mitem Zäut id Natur getrout. Vo Edinburgh us simer mitem Zug 3 Stung bis Aviemore gfahre, u vo dört mitem Bös i Cairngorms Nationalpark. Zersch simer lang düre Waud gloffe, nach öppe 2.5 stung ischer de ändlech fertig gsi. U d Ussicht isch grandios worde. Mir si… ab id Bärge weiterlesen
Edinburgh
Nach London isch Edinburgh aso zimlech überschoubar. Mir hei beidi mitere grössere Stadt grächnet! Umso meh gniesse mer di schöni Autstadt. Übernachte düemer imne Hostel zmitts im Chueche – imne ehemalige Gfängnis. Mir schlafe im Grichtssaal und hei dört je ä Pod, auso quasi es Tablar imne Gsteu, mit Vorhang. Ir Nacht nid gaanz so… Edinburgh weiterlesen
London #2
Geschter heimer London witer erkundet – unger angerem d Tower Bridge. Di heisi grad ufeklappet wägemne Schiff, was natürlech aui hei müesse feschthaute 📱. Am Nami simer i Skygarden – ä Indoor-Garte z oberscht imne höche Geböide (36. Stock). Dert chiem mä gratis ine, weme öppe drü Wuche vorhär es Ticket hätt buechet.. Mir hei… London #2 weiterlesen