Geschter bini witerzoge zum Vänern – das isch der gröscht See z Schwede. Dä isch so gross, dasme z angere Ufer nid gseht. Ufere Rossfarm hani es chlises Hüttli gmietet. Fliessends Wasser giz nid, drfür isches süsch üsserscht härzig 😁 Mini Gaschtgäberin, d Patricia, hetmer Tomätli gäh und gseit i dörf im Garte aues abläse… Fasch am See weiterlesen

I däm Hüttli schlaft sechs auso wunderbar. Nachem zmorge bini loszoge, für d Insle z erkunde. Vor Familie wo im Huus näbedranne wohnt hani es Velo chönne bruuche, u so hanis du zimlech wit gschafft. Zersch auerdings nume i Hafe vom Örtli woni wohne – dert isch leider nid viu z wöue gsi, wüu o… Hönö-Duathlon weiterlesen

Hüt Morge bini wi planet früech(er) ufgstange und bi mitem Tram az Meer gfahre. Vo dert us bini de mit der Fähre uf d Schäre usegfahre – vor der Küschte vo Göteborg hets mindeschtens 10 grossi Insle u – wi i Schäregärte üeblech – öppe 100 chlini. Oder no meh. Hie chame di meischte grosse… Doch no nid i Norde weiterlesen

Pünktlech zur Abfahrt vor Fähre hets aagfange rägne. I bi glich no uf z Sundeck (höhö, heisst würklech so) go luege, wimer dräüte Kanau bis id Oschtsee füre so gfahre. Bevor i düregnesst bi gsi, hani de mi Sässu gsuecht – dä isch wider erwarte rächt bequem gsi, und wüui keni Nachbar*inne ha gha und… Göteborg weiterlesen

I mues zuegäh, bim zwöite Aalouf hetmi Rostock de doch no chli packt. Wahnsinnig lebändig het mi d Stadt zwar nid dünkt, aber si het mit dr Mischig us gotische und barocke geböide doch ä gwüsse Charme. Drum bini nomau chli dür d Stadt zofe u hamer di schönschte Geböide aagluegt. Woni du ändlech usegfunge… Doch no schön weiterlesen

Für au di Stägätritte woni geschter Morge im Lüchtturm zrügggleit ha, bini zwar scho obe uf der Plattform mitere tolle Ussicht übere Strand, über z Meer u z Hingerland belohnt worde. U glich het mi de dünkt, i heig iz sicher scho es Zmorge am Meer verdient. Schliesslech hani o müesse Energie tanke für mi… Luft u Land u Wasser weiterlesen

Yes, nachdäm i mitemne übervoue Zug Rostock erreicht ha us de no witer i mis Hostel z Warnemünde (Stadtteil vo Rostock ar Oschtsee) gschafft ha, hani ändlech z Meer gseh – vou im Schiff. Leider hani di wasserdichte Schueh z Hamburg glah, u der chlii Rucksack isch trotz nöier Imprägnierig ou nid dicht gsi. Drfür… Meer! weiterlesen

Nach emne sunnige Nami ir Hafecity und ere erfouglose iichoufstour quer dür Stadt ufder Suechi nachemne Adapter (hät mer ja o öpper chönne sägä, dasi mis Kabu mit drü Stöpsle z Dütschland niene cha iistecke 🤣) hanimer de am Aabe doch no das Miniatur Wunderland müesse go aaluege. Viu z viu Lüt, u de doch… Adaptermarathon, Mate und Rägä weiterlesen

Nachem zmorge mitemne durchsichtige Kafi bini dr ganz Vormittag dür d Spicherstadt gloffe – einersits wüumer di Bachsteihüser doch rächt gfaue, angerersits wüusi aber ou aui glich usgseh und i dämentsprächend z einte oder angere Kreisli bi gloffe 😁. So hani ömu au di nätte Lädeli gfunge – wobiis dä meischte Orte vorauem Startups und… Hamburg weiterlesen

Hüt Morge isches ändlech los gange – am Aafang no chli surreal dases iz tatsächlech so wit isch, aber woni du z Hamburg bi aacho, hanis de doch chönne gloube. Vo mire Ungerkunft z St. Pauli bini iz no chli a Hafe, woni iz sit ere Stung am Musiglose bi. D Band hets zimlech im… ..uund los geits! weiterlesen