Monat: November 2021

I has auso gschafft, mitem local bus uf Sarangkot ufezfahre. Leider isch z Wätter am nächschte Morge nid so guet gsi, drum hani dr Sunneufgang (schowider!?!) nid gseh. Zrügg uf Pokhara bini de gwanderet. Nach däm Usflügli hani none Tag z Pokhara verbracht – u wär o gärn no lenger blibe. Aber Nepal het äbä… Wider ungerwägs weiterlesen

Mir heis mega guet i üsem Grüppeli, drum heimer eigentlech sitmer üs troffe hei di ganzi zyt zäme verbracht. Am Samschti simer sogar zämä zum Lake Begnas gfahre, si dert chli go böötle u hei d Nacht imne Hotel ufem Bärg verbracht – mit der Idee, de dr Sunneufgang z luege. Leider isches am früeche… fasch chli deheimä weiterlesen

Für di 200km vo Kathmandu uf Pokhara het dr Bös öppe 8h brucht 😁 Isch aber wider ä luschtigi Fahrt gsi. Pokhara isch rächt ä angeri Stadt aus Kathmandu. Es het breiti Strasse mit zwo Spuure, Trottoirs, weniger Verchehr, ä Seepromenade, viu Bars & Restaurants, u es isch generell weniger hektisch, lut u dräckig aus… Pokhara weiterlesen

Dä Blog hani scho mau postet, aber irgendwie ischer nöime häre verschwunde, drum nomau: Nachdäm mer am 6i am Morge ufene Bärg gloffe si für dr Gipfu vo däm Everest z gseh (was zum Glück klappet het..:D) heimer üs ufe Rückwäg gmacht. Wüus viu bärgab isch gange simer rächt schnäu gsi. U so simer du… ..uund gschafft! weiterlesen

I ha dä Blog geschter gschribe u när nid chönne poste, iz mani aber d Zyte uso nid ändere. Drum bim läsä eifach vorschteuä es wär no geschter 😬 Sit üsem Akklimatisierigstag z Namche simer scho wider vier Täg gloffe. Im Vergliich zum erschte Teil hei sech aber es paar Sache g‘änderet. Mittlerwile hets tatsächlech… Ändlech dobe weiterlesen

So, mittlerwile weisi wini d Biudli i töiferer Qualität cha poste – so schaffts z Internet hie 😁 Geschter heimer ä Ruhetag zum akklimatisiere iigleit. Dasmer aber nid eifach nume umehocke, simer glich ä chlini Wanderig zu zwöi Ussichtspünkt go mache. Und mir si chli dür z Dorf gloffe u hei au di vile Läde… Föteli usem Himalaya weiterlesen

Mittlerwile simer sit 5 Täg ungerwägs und hei hüt grad Namche Bazaar erreicht, das isch ä chlini Stadt uf 3440 Meter. Füut sech aber no nid so höch ah, wüu hie d Landschaft ganz angers isch. Es het z.B. ou no viu Böim da obe. Z Stedtli isch rächt härzig, und es het würklech nomau… Uf u ab weiterlesen

Kathmandu isch definitiv ä spannendi Stadt. I bi aber no nid a aues gwöhnt – ohni öpper uf d Strass z gah und öppis iizchoufe isch scho es Abentüür für mi. Es chöi lang nid aui Änglisch, mä verirrt sech sehr schnäu, aui wei eim öppis verchoufe.. Mitem Abi hani no es paar Tämple aagluegt.… No chli dra gwöhne weiterlesen