Monat: Dezember 2021

Dr Flug uf Amsterdam isch zimlech aagnähm gsi, KLM het mi zimlech überrascht, wüui süsch vorhär uf der Reis vorauem Billig-Airlines verwütscht ha. Znacht und Zmorge (bzw. scho fasch Brunch!), ä Fernseh, bequemä Sitz,… So isch dr Flug auso sehr aagnähm gsi 😁 U d Reis zrügg id Schwiz isch de numeno ä chliini Sach… uund finito 🙁 weiterlesen

Nach dä letschte Momos geschter Aabe, paar witere iichöif hüt Morge und nomau Dal bhat zum Zmittag hani hüt e zimleche Kampf mitem Rucksack gha – es hätmer aber o früecher öpper chönne sägä, dasi nid mitemne voue Rucksack cha verreise u när no haub Thamel läärchoufe!😂 Aber i has tatsächlech irgendwie gschafft. Dr Abschied… No chli wach blibe weiterlesen

Hüt bini dr ganz Tag mit iichoufe beschäftiget gsi. I ha so viu Sache kouft, dasi mer no grad überhoupt nid cha vorsteuä, dass aues i Rucksack passt 😂 Und i bi no i Garden of Dreams, das isch e Park zmitts. ir Stadt. Isch no härzig.. Am Aabe bini nomau mit mine Fründ*inne vo… Parat mache weiterlesen

Vo geschter: Z Kathmandu isches mittlerwile o cheuter wordä – düre Tag längts aber no für 20 Grad 😁 Vorgeschter bini uf Bhaktapur, das isch öppe 30‘ vo Kathmandu entfärnt. U i ha no ä nöii Art zum fortbeweä gfungä. Mitere App chamesech ä Töff bschteuä (aso zum mitfahrä 😅). So chunntme zimlech schnäu vorwärts,… Es geit am Ändi zue weiterlesen

Z zwöite Mau isches z Pokhara izimlech abentüürlech gsi. Vor 4 Täg simer go Bungee jumpe! Mit 228 Meter isches sogar dr zwöithöchscht jump vor wäut! Het zwar chli überwindig brucht, aber woni mi getrout ha hets mega gfägt 🥳 U z video drvo isch zimlech luschtig wordä 😁 Geschter am Morge simer früeh mitem… Nomau z Pokhara weiterlesen

Okei, iz chani dä Satz gloub de Standardmässig iifüege, z Wifi hie verarscht mi immer wider. Dä Iitrag isch vo vor zwöi Täg 😅 I ha ä witere Lieblingsort z Nepal gfunge! Guet, bis iz hetmer ja fasch aues mega gfaue.. Bandipur isch aber definitiv wider es Highlight. Dr erscht Vorteil: es het nid so… Schowider chli z Italie weiterlesen

Widermau Wifi-Problem gha. Steu der eifach vor es wär geschter aabe: Di letschte Täg hani im und näbem Dschungu verbracht. Dr Ort hie isch bis geschter zimlech vougstopft gsi, äbä wäg denä Wahle. Mitlerwile hani aber no in Erfahrig bracht, dases „nume“ parteiinterni Wahle si. Di kommunistischi Partei het quasi z ganze Dorf in Beschlag… Im Dschungu weiterlesen