Dr Flug uf Amsterdam isch zimlech aagnähm gsi, KLM het mi zimlech überrascht, wüui süsch vorhär uf der Reis vorauem Billig-Airlines verwütscht ha. Znacht und Zmorge (bzw. scho fasch Brunch!), ä Fernseh, bequemä Sitz,… So isch dr Flug auso sehr aagnähm gsi 😁 U d Reis zrügg id Schwiz isch de numeno ä chliini Sach gso im Vergliich. Und ja, so bini iz wider deheimä. Mit Glüehwyy und Raclette hani mi wider chli chönne akklimatisiere. Iz steit no uspacke, wösche und ufruume ah, u de isch di Reis tatsächlech scho Gschicht. Im Momänt realisieris no grad nid so ganz dasi wider da bi, aber das hout mi de schono ii. I ha ide letschtä drü Mönet so viu tolli Sache erläbt und Erfahrige gsammlet, dases scho nid nume eifach isch gsi zrüggzcho. I fröie mi aber druf, öich aui widermau live z gseh – u mit däm isch mi Blog iz ou fertig. Auso är blibt scho no da, aber i poste füre Momänt nüm. Aber wär weiss wenn dasi znächschte Mau furt gah 😁 Merci ömu aunä wo mi geng chli verfougt hei. Bis gli!☺️
