Vo geschter:
Z Kathmandu isches mittlerwile o cheuter wordä – düre Tag längts aber no für 20 Grad 😁 Vorgeschter bini uf Bhaktapur, das isch öppe 30‘ vo Kathmandu entfärnt. U i ha no ä nöii Art zum fortbeweä gfungä. Mitere App chamesech ä Töff bschteuä (aso zum mitfahrä 😅). So chunntme zimlech schnäu vorwärts, es choschtet aber nume ä Bruchteil vo däm wome fürnes Taxi zaut.
Bhaktapur isch ä auti Chünigsstadt u besteit vorauem us Tämple u aute Hüser. Isch no hübsch zum aaluege, mir hets aber chli z viu Lüt gha. Drum bini geschter de o scho wider zrügg uf Kathmandu. Am Aabe hani mi mit paar Lüt troffe woni z Pokhara ha lehre kenne. Eigentlech heimer i Usgang wöue, aber ds louft hie nid so 😂 Mir hei ke guete Club gfunge. Drfür feins indischs Ässe 😁 Hüt hani so viu Züg kouft zum heinäh, dasi nid weiss obi aues i Rucksack bringe 😀 Morn morge machi dr PCR-Tescht für d Reis. Für das chunnt es Teschtteam i mis Hotel, zimlechä luxus 😜 U de gniessi no mi letscht Tag, bevori de übermorn am Nami a Flughafe fahre u heichume.
