Z zwöite Mau isches z Pokhara izimlech abentüürlech gsi. Vor 4 Täg simer go Bungee jumpe! Mit 228 Meter isches sogar dr zwöithöchscht jump vor wäut! Het zwar chli überwindig brucht, aber woni mi getrout ha hets mega gfägt 🥳 U z video drvo isch zimlech luschtig wordä 😁 Geschter am Morge simer früeh mitem Taxi uf Sarangkot gfahre u hei dr Sunneufgang gluegt. Nach däm bini mitem Gleitschirm wider zrügg uf Pokhara gfloge. Das het o meega gfägt ☺️ Und i ha ä super Ufssicht uf d Stadt und ufe Himalaya gha.
Süsch hani i dä letschte paar Täg vorauem o gässe. Mindeschtens einisch pro Tag Momos, Galettes ire französische Crêperie, indischs Ässä,… Und mir si i Usgang. Git fasch überau live Musig.
Wüu mi Flug scho i 5 Täg geit, bini hüt zrügg uf Kathmandu. Hie hani mini friends wider troffe und wotti ide nächschte Täg no paar Sache go aaluege, bevori de scho glii wider id Schwiz zrügg chume.
Ich bin froh ,das du soviel Schönes erleben darfst und es dir gut geht. Der Röseligarten versinkt fast im Schnee.Liebe Grüsse Grosi 🌨🌧❄️☃️