Doch no nid i Norde

Hüt Morge bini wi planet früech(er) ufgstange und bi mitem Tram az Meer gfahre. Vo dert us bini de mit der Fähre uf d Schäre usegfahre – vor der Küschte vo Göteborg hets mindeschtens 10 grossi Insle u – wi i Schäregärte üeblech – öppe 100 chlini. Oder no meh. Hie chame di meischte grosse Insle mitem Schiff bsueche. U de hets mi packt: überau woni bi gsi isches u schön gsi. Di Küschte, d Hüsli, z Wasser,…. U so isches du cho, dasi mer spontan für zwöi Nächt es Hüsli uf der Insle Hönö buechet ha. Lappland cha no chli warte 😁 Mit der Fähre bini vom Feschtland uf d Insle (ig und 30 Outos), und wüu dr Bös uf der Insle nur öppe au zwöi Stung mau fahrt, hani sogar no ä chlini Wanderig gmacht. Z Hüsli isch würk geniau, und wüus ä Chuchi het, hani ääändlech mau chönne choche – im Lade hani sogar vegani Køtbullar gfunge 😁