geits no so heiss!

Viu z verzeue hani leider nüm – mir si sit geschter Aabe wider dehei. Z Glasgow hani nomau vegi Fish & Chips gässe, wasmi sehr gfröit het. Am Friti simer de uf London gfreeset u hei dört imne schöne Hotel übernachtet. Mir si nomau chli uf Soho i Usgang und hei vorhär richtig feini Pizza gässe 😋 Und de am Samschtimorge simer a Bahnhof u vo dört aus erschts uf Lille, när uf Strasbourg, vo dört uf Basu und uf Bärn. Het aues tiptop funktioniert – ussert dass dr Temperaturungerschiid nid so aagnähm isch. Hie isches teilwiis dopplet so warm wie z Schottland!🥲 Jä nu – ömu o schön, wider deheime z si. Und mir hei ja ganz viu tolli Erinnerige mit hei gnoh! Schottland het üs würk voll überzügt, da gömer uf jede fau wider. Iz simer no am fertig wäsche u putze, u när isch ou das Abentüür leider scho fertig . 🙁