Am Friti heimer üses schöne Plätzli am See verlah und si ufere Haubinsle im Vänern go wandere. Mit vouem iisatz bini während der Wanderig dür d Heitifäuder gstreift u ha ä stabili Ärnti iigfahre – mit chli Ungerstützig 😉 Dr Aabe u d Nacht heimer de nomau am See verbracht. Für üs z wäsche und es Apero am See z näh het z Wätter guet glängt. U o üsi Pasta heimer no mitere schöne Ussicht chönne ässe. Füre Räscht vom Aabe heimer z Dachzäut ines Heimchino verwandlet. O mau schön 😁
Geschter simer när wider az Meer gfahre. Nachere Joggingrundi, wo eher i richtig Trailrunning isch gange, wüumer eifach ar Küschte entlang über d Steine jogget si. Z Znacht heimer ou uf dä Steine am Meer kochet (zuegäh, nume ufgwermt. i ha im Bös am Windschatte vorkochet) u drzue widermau ä schöne Sunneungergang bestuunet 🥰 Z Meer isch rächt warm, aber es luftet meischtens rächt. Drum nachem usecho aube subito iz Tüechli iipacke. Iz fahre mer mau witer der Küschte entlang. Mau luege, womer hüt landä 😊
luschtig wie du Schreibschrift,danke vielmals liebe Kai.I ha genug Früüd dranne.I bi froh Hit ihrs guet.I wünsche euch weiterhin viel Schöns u Guets u schicke liebi Grüess Grosi