D Zyt z Kopenhagen isch doch sehr schnäu düre gange, und iz bini wider allei ungerwägs. Wüui uf der dänische Site grad ke gueti Ungerkunft gfunge ha, bini wider zrügg uf Schwede. Nachdäm der Zug fasch 2h z spät isch aacho, wüus schiins Lüt uf de Gleis het gha (?!), bini ir Nechi vo Ängelholm ad Küschte gfahre. Hie wohni bire eutere Frou im obere Stock vo ihrem Huus. Und z Huus isch nume ä minute vom Meer entfärnt. Leider isch z Wätter bis iz nid so super, aber i bi hüt glich chli am Strand entlang gloffe. Dr gröscht Teil isch Naturschutzgebiet, s het meeega viu Vögu hie!😂
Hei Kai, ou ig liise di Blog regelmässig und freue mi über diner Gschichte! Dini Fotos gseh super us und ig hoffe jetzt wodr Herbst würklech agfange het, hesch nid z chaut im Norde obe. Ou diner Brichte us Kopenhagen hei super usgseh, ig hoffe du und dr Dave sit ou bitz dr Queer Usgang go entdecke und freue mi de über d Stories. Mir vom Milchreise Team vermisse di! bis gli